Афарин

Афарин һеҙгә, ирек сулпандары!
Афарин, ысын изгелек солтандары!
Был ҡараңғы гүргә түнгән донъяның
Көн вә көн атмаҡта ысын таңдары.

Афарин, их… донъяға шатлыҡ килә,
Юйыла золмат, йылмайып аҡлыҡ килә;
Емерелә вәхшәт, хаҡһыҙлыҡ, золом;
Аҡрын, аҡрын нур сәсеп, хаҡлыҡ килә.

Шатланам мин, күкрәгем ташҡан кеүек.
Түҙә алмайым, һикеренәм, шашҡан кеүек.
Афарин, әй һеҙгә миллион афарин;
Нурлы истиҡбал яҡынлашҡан кеүек!

Читать Стих:  Бер минут

1917

Добавить комментарий

Ваш e-mail не будет опубликован. Обязательные поля помечены *