Бураҙналар

Зәңгәр бураҙналар һалып,
Елдәр һабан һөрә диңгеҙҙә.
Зәңгәр бураҙналар буйлап,
Аҡсарлаҡтар оса, ем эҙләп.

Тулҡын түгел, әйтерһең дә,
Күҙ алдымда иген тулҡына.
Ҡояш сыҡҡас, алтын төҫлө
Тосс башағын эйеп, ул тына.

Эйе, башаҡ еҫен тоям!
Ураҡ ура, гүйә, караптар,
Елкән күрһәм, ҡыр юлынан
Сабып килгән кеүек пар аттар.

Читать Стих:  Һинең тыуған ерҙәреңдә булдым

Тыуып-үҫкән еребеҙҙе
Килтермәһәк шулай дингеҙгә,
Күҙ талдырғыс киңлек кенә
Булыр инең, диңгеҙ, һин беҙгә!..

1961