Истамбулда киске аҙан…

Истамбулда киске аҙан
Шундай моңһоу саҡыра:
— Мосолмандар, ғибәҙәткә
Бер тәңребеҙ хаҡына!..

Мин — уҙғынсы. Мин сит бында.
Миңә түгел был аҙан.
Мөхәббәтем илһам бирһә,
Үҙем доғалар яҙам.

Асылы ят күңелемә
Күктән килгән әмерҙең.
Мин әйтәм үҙ аҙанымды:
— Хәйерле төн, ҡәҙерлем!..

Читать Стих:  Юлдарым йыраҡ, һөйөклөм...

1965—1977

Добавить комментарий

Ваш e-mail не будет опубликован. Обязательные поля помечены *