Үкенмәйем

Күңелем минең тып-тып диңгеҙ ине.
Айҡап индең яҙғы дауылдай.
Әйтсе, йәнем, янған йөрәгемде
Алырһыңмы һөйөп дарыулай?
Күңелем минең ғорур һәм шат ине.
Азат ине борсоу уйҙарҙан,
Һин килдең дә ендең.
Алып киттең,
Ҡая таулы борма юлдарҙан.
Аһ, юҡ, үкенмәйем, тау бөркөтөм,
Бәхетле мин һине һөйгәнгә.
Йөрәгемдең аҫыл сәскәләре
Һинең өсөн янып көйгәнгә.

Читать Стих:  Йәшәү бәхете

1955

Добавить комментарий

Ваш e-mail не будет опубликован. Обязательные поля помечены *