Кис булдымы, тауыш баҫылдымы

Кис булдымы, тауыш баҫылдымы,
Мин кемделер көтәм. Был нимә?
Кемдер килеп ишек шаҡыр кеүек,
Килеп инер кеүек бүлмәмә.

Ләкин бер кем дә юҡ. Ишегемде
Бер кем килеп, бер кем ҡаҡманы.
Әллә инде килеп кире китте,
Мөхәббәтем мине тапманы.

Йылмайманы упҡын күҙе менән,
Ишетмәнем һөйәм тиеүен.
Үҙең эҙләп тапмаһаң һин, ахыры,
Көтөп кенә килмәй һөйөүең?..

Читать Стих:  Мине тағы ташлап китәһең

1961