Ут хаҡында йыр

Ниңә ҡәҙерле һуң был ут миңә!
Тағы шәмде һелкеп ҡарайым.
Дым сайпылған ошо шәм янғанда,
Ҡояшым бар минең, бар айым!..

Сайпылыуы әле һәлмәк кенә —
Тимәк, мин йәшәйем, мин тере!
Был сайпылыу еңеләйгән һайын,
Арта бара уның ҡәҙере…

Яҙам-яҙам!.. Хыялланам һаман,
Янам-янам бергә шәм менән.
Көндөҙ атта эйәр ҡырған тәнде
Яҙылдырам ошо йәм менән.

Читать Стих:  Ерҙәге йондоҙҙар

Тик боҙмаһын һис кем был шатлыҡты,
Йырҙарымды сайып түкмәһен,
Ут тирәләп йөрөгән күбәләктәй,
Илһам ҡошом осоп китмәһен!

Йөрәгемде, утлы йөрәгемде
Һурып алһам бына күкрәктән,
Бөтә донъя балҡып китер ине
Тик ут йыйған минең йөрәктән!..

1960

Рейтинг
( Пока оценок нет )
Понравилась статья? Поделиться с друзьями: